×

Messaggio

EU e-Privacy Directive

This website uses cookies to manage authentication, navigation, and other functions. By using our website, you agree that we can place these types of cookies on your device.

View e-Privacy Directive Documents

You have declined cookies. This decision can be reversed.

Limba sarda deretu, in totue

Categoria: Politica Pubblicato: 28 Gennaio 2014

Limba sarda deretu, in totue

"Su Fronte po sa limba sarda". Est custu su nùmene de s'initziativa chi amus fatu su 28 de ghennàrgiu in Casteddu pro presentare is propostas nostras pro sa polìtica linguìstica. In custu addòbiu ant faeddadu Pierluigi Caria, Simona Pau e Maria Paola Dettori, candidados cun su Fronte in sa lista de Casteddu e impignados dae annos in su traballu pro amparare sa limba sarda e in sa pelea pro unu bilinguismu cumpridu.

Custa initziativa l'amus fata in su ex-litzeu Artìsticu Dettori de pratza Dettori in sa Marina, fintzas pro una resone simbòlica, ca in cussa iscola b'at istudiadu Antoni Gramsci in is annos de su ginnàsiu. At cumentzadu s'arresonu Simona Pau, faeddende de s'importàntzia de sa limba in su caminu pro s'autodeterminatzione de su pòpulu sardu. Sighende, Pierluigi Caria at ispiegadu is propostas de polìtica linguìstica de su Fronte e Maria Paola Dettori, a pustis de àere faeddadu de su raportu intre limba e cultura at lègidu poesias de Remundu Piras. Martino Orrù nos at batidu su saludu de is giòvanos indipendentistas de s'Assòtziu Scida.

Tanchende at faeddadu Piersandro Pillonca, interbènnidu comente privadu tzitadinu e non comente giornalista, narende chi "Sa proposta de su Fronte chi is mèdia depant garantire una pertzentuale de sa programmatzione in limba sarda, pro pòdere pigare finantziamentos pùblicos est sa mègius chi apo intesu in is ùrtimos annos".

Amus lègidu unu saludu chi nos at mandadu Roberto Bolognesi chi no est pòtzidu bènnere a s'initziativa e chi ponimus fintzas inoghe: "Deo seo indipendentista a manera mia. Non seo unu stimadore mannu de su stadu e non creo ki independetzia bogiat narrer “indipendentzia statuale”. E seo inter-natzionalista dae cando tenía seixi annos… S’indipendentzia, pro me est fata de medas indipendentzias: cussa economica e cussa curturale sunt is prus de importu pro me. Ma b’est una gerarchía in custas indipendentzias: non bi podet esser indipendentzia economica si non tenes una classe dirigente ki tenet una curtura indipendente, ca una curtura indipendente bolet narrer a tenner una psicología indipendente. E puru pro una politica indipendente bi bolet una conca indipendente. Tando s’indipendentzia curturale, pro me, est s’indipendentzia mamma de totu is áteras indipendentzias. Ma a pitzos de ita dda boles fraigare custa indipendentzia curturale, in unu mundu globalizadu? Mi paret craru: totu cumentzat dae sa limba. Limba e curtura non sunt sa matessi cosa e ne-mancu limba e natzione, ma est sa limba ki ddi dat su colore suo a sa curtura de unu populu. Mancari is sardos de limbas nde tengiat una pariga: totu richesa! Nadu custu, totu su chi potzo atzungher est ki su programma curturale e linguisticu de su Fronte Indipendentista Unidu, dd’ia potzidu scrier deo. E tando bosi fatzo augurios mannos de coro." Roberto Bolognesi

Su video de s'initziativa a Videolina:

Accesso redazione

Utenti online

Abbiamo 35 visitatori e nessun utente online

Utente