×

Messaggio

EU e-Privacy Directive

This website uses cookies to manage authentication, navigation, and other functions. By using our website, you agree that we can place these types of cookies on your device.

View e-Privacy Directive Documents

You have declined cookies. This decision can be reversed.

Assentos subra s'indipendentismu

Categoria: Comunicati

Pesa-Sardigna-500x300-px-web

1. Documento politico fronte

2. Metodo politico del fronte

 


 

Assentos subra s'indipendentismu

Pro una sestadura politica de sa Cunvergèntzia indipendentista e pro s'arrocu natzionale.

Pro tempus meda s'indipendentismu in Sardigna at àpidu una funtzione ogetivamente revolutzionària. Sa torrada de sa lota cuntra su colonialismu intre sa fine de son annos '90 e de sos primos deghe annos de su duamìgia at creadu unu substradu intelletuale e morale forte de muta natzionalista e progressista. S'indipendentismu, si puru abbolotadu fora de misura, at ischidu orientare sas batallas politicas, sotziales, economicas e pro sos diritos tziviles in unu versu connotadu meda, mentres sos organismos de sa manca traditzionale e antagonista perdevant aderèntzia in sa realtade finas a iscumpàrrere in s'eletoralismu e in s'oportunismu o in unu movimentismu a tragiu de cussu continentale, mescamente si teniat sinnu italianu, chi fiat, a su matessi tempus, cun s'andare de su tempus destruturadu e privu de cale si siat ordiminzu bene sestadu.
Finas a comintzu de su 2013 s'indipendentismu at traballadu pro fàghere a cumprèndere a sa gente sa cuntierra intra s'interessu de s'istadu italianu e s'interessu natzionale sardu. Custu traballu est bistadu fatu cun metodos e modos divessos ma, sa cosa prus importante, est chi est fatu dae sugetos polìticos indipendentistas chi vivent e sunt presentes de abberu in su territòriu sardu, a comintzare dae sas batallas contra: s'ocupatzione militare, sa posta de sas tzentrales nucleares, contra s'isvilupu de sa manna distributzione e su colonialismu de s'agrualimentare, a s'amparu: de sos traballadores in divessas lotas importantes, de su bilinguismu, a sa proposta de istitutzione noa de un'Agentzia Sarda pro sas intradas.
Bidu finas sas faddinas e sas torradas in segus, s'Indipendentismu s'est mòvidu cun unu traballu capillare in sos territòrios, bidda pro bidda, trubbende fortzas mannas, mescamente giovanos, promovende lotas, atòbios, cunvegnos, festas, cuntierras, seminàrios de istùdiu e formatzione, comitados tzivicos, assòtzios culturales e politicos, listas tzivicas de àberu.
Totu custu traballu at dadu profitu siat in una creschida, in sa gente e, mescamente, in sos giovanos, de leada de cussèntzia de sos sentidos prus fungutos chi pertocant su de èssere sardos e siat in una crèschida de rivendicatziones meda chi dae sa fase setoriale e corporativa ant maduradu in una visione polìtica prus abberta a sentidos natzionalistas, democràticos e progressistas.
Bidu in totu s'indipendentismu at craridu sas relatas intre sa Natzione sarda e s'Istadu italianu:


- divessidades e divergèntzias de interessos incuntziliàbiles intre Natzione sarda e Istadu italianu;
- abbetiosidade intre s'indipendentismu e autonomismu (e variantes suas comente su federalismu);
- no alleàntzias, no collaboratziones, no cunvergèntzias intre partidos natzionales sardos e partidos colonialistas;
- individuatzione de solu duos campos polìticos cuntràrios e inimigos in Sardigna:
- Arrocu nazionale e arrocu coloniale.


S’indipendentismu at sebestadu finas su problema fundamentale de sa dipendèntzia economica, culturale e politica de su pòpulu sardu respetu a s’istadu italianu: sa paga cussèntzia natzionale e de su pòpulu. Unu pòpulu chena cussèntzia natzionale est unu pòpulu disarmadu in totu e, unu pòpulu disarmadu est unu pòpulu sutammissu e sugetu a calesisiat atu de agarradòria.
Paris a custu traballu benit fata finamentra sa proposta de sa cunvergèntzia indipendentista inaugurada a Thiesi intro de sas tres dies de festa “Sa die de sa Pàtria Sarda (2011). Cun unu traballu tzertosinu de limadura e cunfrontu intre sas cumponentes divessas de s’indipendentismu acunortadu dae lotas serias e de dura in su territòriu, fatas a s’ispissa costa costa, s’est arrividu a cumprèndere chi sas cuntrapositzione ideològicas istèriles chi aiant partzellizadu s’indipendentismu a su comintzu de sos annos Duamìgia deviant èssere postas a parte o torradas a giùghere a su pranu de su cunfrontu dialèticu.


Podimus cramare custa fase de passàgiu “laicizatzione de s’indipendentismu”, in sa misura chi su cunfrontu intre indipendentistas est andadu manu manu mudendesi dae ideològicu a pràticu-operativu. Sa chistione subra s’orientamentu ideològicu e de valore o sos simbolismos ant lassadu, lenu lenu, logu a cunvergièntzias de fatu subra miras mìnimas e comunes.
Una borta leadu su caminu de sa laicizatzione de s’indipendentismu sos pessonàgios chi, pro su prus, ant aizadu fogu de sa cuntrapositzione ideològica intre indipendentistas a s’iscopu de fàghere partziduras arrennegadas subra su pranu ideològicu-simbòlicu (violèntzia – non violèntzia, sa bandela sarda vera, indipendentismu betzu e indipendentismu modernu), ant leadu in presse càminos de oportunismu trunchende in modu risolutu cun s’indipendentismu.


Calicunos pessonagios nòdidos chi pro una deghina de annos e prus chi ant “chilcadu su pilu in s’ou” subra chistiones de puresa ideologica chi non tenent seru, refudende calesisiat tipu de cunvergèntzia e lota comune cun àteros membros de s’indipendentismu, ant lassadu, a un’ala in totu, custa puresa pro ofèrrere sas fortzas pròprias (e sos votos issoro cun sa visibilidade mediatica) a sos partidos de su tzentru-manca italianu. Sas chistiones chi cunsideraiant finas a tando importantes gasi comente “sa non violèntzia”, “su natzionalismu”, “su sardismu” sunt isvanidos comente “sale in abba” a dae nanti sa pròmissa de unu postu in Cunsìgiu Regionale o de cale si siat incàrrigu.


S’abberit gasi s’istajone de su “suvranismu”. Su suvranismu no est àteru chi sa cobertura ideologica de sa capitolatzione de custos pessonàgios e/o guasi capos de pòpulu in dae nanti a su colonialismu italianu, pro rejones de meru interessu pessonale e de clientela. Privu de cale si siat fundamentu politicu e teòricu su « sovranismu » est unu lemma chi no esisit e chena sustàntzia peruna, impitadu da onzunu a manera dannosa e privu de cale si siat denotatzione ispetzìfica.
In s’impreu polìticu su “sovranismu” faghet passos in dae segus finas a cunfrontu a su sardismu clàssicu, chi non at pessadu mai de istrìnghere patos orgànicos cun sos colonialistas, limitèndesi a alleàntzias programmaticas, siguramente de oportunismu, ma sena leada ideològica. Su sovranismu duncas no est àteru chi sa teoria de su mercimòniu, cun sa cale unos cantos meres de s’indipendentismu istòricu ant chircadu de s’accreditare a sa corte de sos partidos coloniales mannos pro nde àere pragheres o postos de importu.


A su matessi tempus a cust’àndala a s’iscarada cuntrària a sa punna e a sos programmas de s’indipendentismu nd’est bessida a fora finas unu bisu reatzionàriu de s’atzione indipendentista. Podimus cramare custa positzione “cundivisionismu”. Su condivisionismu est su refudare su contzetu matessi de sa cunvergèntzia orgànica intre indipendentistas, siat subra su livellu de sas solas temàticas e siat subra beros e pròprios cunsertos programmàticos. Su condivisionismu naschet dae sa negatzione e su refudu de un’ispàtziu politìcu normadu e ufitziale de su movimentu de liberatzione natzionale, e un’ispàtziu chi permitat a s’indipendentismu progetos e pianificatziones pro mesu de regulas de cunvergèntzias craras e rispetadas dae totus, un’àmbitu polìticu in ue totu sas opstziones chi in s’istòria s’indipendentismu at leadu apent sas possibilidades de s’espressare e s’isvilupare. Gasi comente su sovranismu, su cundivisionismu non podet èssere cunsideradu una vera e pròpria teoria polìtica, ma prus a prestu unu modu chi una tzerta parte de s’indipendentismu impreada pro bardare positziones de privilègiu mediàticu e populista, privu de partetzipatzione de manizu e reale, chi punnet a afortigare unu raportu deretu intre sa chima indipendentista e sa base, a s'ispissa dàbbile e pagu preparada politicamente. In mancàntzia de règulas craras e de unu ispàtziu ufitziale de s'indipendentismu est prus fàtzile cultivare interessos pessonales o de grupos. De àbberu, su cundovisionismu est una forma de populismu mediàticu chi proat a sa disisperada de crastinare sine die sa die de maduresa de su movimentu de liberatzione, ossiat cando s'operadu e sa responsabilidade de sa diretzione indipendentista at a èssere chilivrada dae organismos democràticos partetzipados e dae bases sotziales àmpias. A sa teoria e a sa prassi de sa cunvergèntzia indipendentista sos cundivisionistas oponent unu cunfrontu estemporàneu e mecanicu de atividade sena progetos e pospetivas istrategicas, refudende sa matessi idea istratègica de istrutura, alliàntzia orgànica o coordinamentu istàbile intre cumponentes de su movimentu de liberatzione natzionale siet organizadas chi individuales. Est custa una tendèntzia perigulosa e antistòrica, de su totu chena efetu in su pranu de s'operatividade e de sa prassi anticolonialista e annulladora de su traballu e de sa prassi de cunvergèntzia capitalizada in modu pretziosu in totu custos annos.


A sa fine esistit unu zòculu tostu de indipendentistas chi a su sovranismu e a su collaboratzionismu, cuntraponent sa nega de sa collaboratzione cun sos partidos italianos e de sos movimentos italianos e de su eletoradu issoro. Pòdimus cràmare custa positzione "indipendentismu coerente". Sos "indipendentistas coerentes" non sunt pro nudda puristas o setàrios, comente a s'ispissa los brigant sos sovranistas e sos cundivisionistas. Sos "indipendentistas coerentes" bogant sa màscara a sos sovranistas pròpriu subra custu puntu: beru est chi est netzessàriu a s'abbèrrere a sa sotziedade sarda chi est àncora cunditzionada e ideologicamente aturdida, mero est falsu chi s'ùnicu modu pro giòmpere custu obbietivu siet cussu de istabilire acordos de guvernu cun su tzentru manca, cun su tzentru dresta italianos o cun calesisiat àteru movimentu polìticu chi tenet conca o ancas in Itàlia. Est netzessària un'istrategia de abertura a sa sotziedade sarda e est beru puru chi bisonzat criare una massa crìtica fatende leva subra chie no est àncora indipendentista, mero tale istratègia non s'assagumat intrende in su bloco coloniale, ma fintzas cun una presèntzia incansàbile e benichedda de s'indipendentismu in sa sotziedade, in sos comitados tzitadinos, in sas listas tzivicas de àbberu, in sas lotas de sos traballadores, in sas cuntrestas culturales e, a la nàrrere in una peràula, in totu su chi est vivu e progrèdidu in sa sotziedade sarda.
A su cundivisionismu sos "indipendentistas coerentes" proponent unu cuntestu de regulas e atos chi rendant impessonale e antipopulista onzi protzessu leadu a cumone. Chena regulas tzertas, craras, pùbblicas, istabilidas in modu democràticu e de un'ispàtziu chi si potat sebestare e pretzisare a intro de su cale sas divessas optziones istòricas determinadas dae s'indipendentismu potant àere agibilidade e possibilidade de espressione, s'indipendentismu s'at agatare semper in cue, presoneri de sa matessi sorte de Sisifo, custrintu a fàghere onzi borta su matessi isfortzu sena mai pòdere crèschere e isvilupare comente sugetu istòricu maduru e cussente. Sos cundivisionistas rèplicant chi sos ispàtzios istruturados non funtzionant e chi a su contràriu su chi funtzionat est su de si torrare a ingramessare deretu a su pòpulu cramende•lu onzi borta a fèrrere batallas de sovranidade. Custu est istoricamente faddidu, pruite in su cursu de s'istòria batalla peruna est istada mai binchida e nemmancu cumbàtida cun efetu sena un'istruturatzione de su movimentu de liberatzione natzionale. Si fuit istada cussa sa linea de su cundivisionismu a àere sa mègius, s'indipendentismu - pro cantu pertocat sas batallas de interessu natzionale - si diat a agatare onzi borta presoneri de unu giogu cauncu de taticas particulares e de relatas pessonales intre sos divessos caposbastones de sos movimentos de liberatzione natzionale sena mai criare sas cunditziones de una crèschida paris, aunida e natzionale de su movimentu de liberatzione natzionale.

Sas tres positziones (suvranismu, cundivisionismu e indipendentismu coerente) non devent èssere intesas comente linea polìtica de custa o de cuss'àtera organizatzione, ma comente diretritzes de travessu a totus sas organizatziones indipendentistas in dies de oe esistentes. Sa fase chi semus vivende est de seguru de transitzione, una fase chi bidet una torrada de positzionamentu generale de meda movimentos indipendentistas chi, issos puru sunt atraessados dae una fitiana e forte dialètica de intro.No ispetat a nois su còmpitu de assignare patentes o etichetas. Nostru est intamen su còmpitu de cumprire a sa funtzione istòrica pro su cale su Fronte est nàschidu, ossiat s'afortigadura e su consilidamentu de una linea crara de s'indipendentismu fundadu in s'anticolonialismu, in sa partetzipatzione democràtica e in sa cunvergèntzia indipendentista. Pro custu motivu s'8 de capudannu de su 2013 est nàschidu a Ghilarza su Fronte Indipendentista Unidu e pro custu motivu sa funtzione istòrica sua no est de si ritènnere finida o agabbada.

 

Fronte Indipendentista Unidu

 


Torna all'inizio 

Documento politico sul metodo di lavoro 
del Fronte Indipendentista Unidu

Il Fronte si trova ad affrontare forse uno dei momenti più delicati della storia dell’indipendentismo. Una  necessità appare evidente, ed è quella di non permettere alle due derive del «sovranismo» e del «condivisionismo» di liquidare il progetto organizzato della liberazione popolare di questa terra. La spinta della ripresa indipendentista di fine anni 90, primo decennio del duemila, è stata compiuta da organizzazioni politiche centrate e profilate su figure politiche e storiche a carattere personalistico, che hanno svolto un ruolo allora necessario di accentramento delle istanze indipendentiste, con ruoli di guida e di avanguardia. Oggi è necessario che il dibattito politico esca dalle sezioni delle varie organizzazioni e coinvolga, sulle necessità nazionali, sempre più ampie componenti sociali della nostra società.

I punti da individuare sono pochi ma chiari per il nostro lavoro politico:

Autodecisione: lo smascheramento degli interessi italiani sulla linea coloniale dei territori, conseguente al riconoscimento dell’usura e della svendita che nei territori si fa delle nostre risorse e della nostra cultura, lingua e storia, ha necessità di essere formalizzato, con una pratica democratica di chiamata partecipativa nei territori, sulle questioni che maggiormente hanno necessità di essere dibattute e risolte, anche in termini di programmaticità e di difesa, sia nelle zone già compromesse, che in quelle non ancora compromesse ma in pericolo.

Questo radicarsi nei territori consentirà al nostro popolo di organizzare uno spazio dove potersi rendere partecipe del protagonismo necessario alla realizzazione del dibattito, del confronto e dello studio dell’alternativa al colonialismo italiano nei luoghi dove vivono e dove si sente maggiormente la scure dello stato italiano. Strumento portante di questa capacità sono le assemblee territoriali aperte, organizzate dagli elementi più sensibili presenti nella realtà in cui si opera, e che come strumento adottano la consultazione diretta popolare. Questo è lo spazio principe dell’attuazione di una pratica reale di convergenza nazionale.

Autogoverno, reale sovranità territoriale: Le proposte politiche portate avanti nelle discussioni e nelle assemblee popolari, dovranno essere sintetizzate in un lavoro riconosciuto e di contrasto allo stato italiano nei territori. Al momento l’unica forma per spingere le istanze popolari è quella di costruire governi territoriali di emergenza nazionale nelle nostre 377 comunità. Ciò significa costruire insieme a chi vive le contraddizioni nei territori l’alternativa elettorale per i municipi. Urge dunque lavorare alla costruzione di “convergenze politiche e di governo” territoriali, partecipate e democratiche, riconosciute e rappresentative. 

L’anticolonialismo: È il principio che ci muove a praticare questo metodo, è la tesi che dichiara la necessità di destrutturazione e di disarticolazione del lavoro dei partiti italiani e dei loro sindacati di riferimento nei territori, nelle comunità, dove la loro presenza è più forte e più subdola, grazie alle relative correnti clientelari e al ricatto del lavoro.

Il nostro anticolonialismo ha come cornice il concetto di costruzione di un «blocco nazionale», dove per «blocco nazionale» s’intende l’accumulazione delle forze progressiste sia economiche che politiche guidate da un’avanguardia indipendentista, che sceglie di rendere protagonista della propria pratica politica le necessità nazionali enunciate nella Carta di Convergenza indipendentista (2010).

Il «blocco nazionale» deve nascere da un patto nazionale, sostenuto e sviluppato dalle forze progressiste di questa nazione, ora riconoscibili nell’area dell’«indipendentismo conseguente».

Il «blocco nazionale» non può che poggiarsi su una pratica chiara, quella costruita sull’autodecisione e sull’autogoverno dei territori, i quali sono base, sostegno e parte integrante di una scelta politica nazionale che ha come fine quello di raggiungere pratiche e coscienza di anticolonialismo

Sull’anticolonialismo territoriale, sulla sua enunciazione, ma ancor più sulla sua pratica quotidiana, svilupperemo la coscienza nazionale del nostro popolo, la sua pratica nell’essere popolo e la conseguente, e imprescindibile, costruzione della volontà del popolo sardo di scegliere ed ottenere la propria autodeterminazione nazionale.

Pesa sardigna! Fintza a s’indipendentzia!

Fronte Indipendentsista Unidu

 

Torna all'inizio 

 

Accesso redazione

Utenti online

Abbiamo 72 visitatori e nessun utente online

Utente